धातुशास्त्र

धातुनाप स्वापू दूगु सीकेज्यायात धातुशास्त्र धाइ। धातु धागु छता प्रकारया तत्त्व ख। रसायनिक प्रकियाय् थन्यागु तत्त्वं थःगु इलेक्त्रोन अपुइकः हे त्वःते फु। थथे इलेक्त्रोन त्वःता धातुतसें धातुत्मक स्वापू दयेकी। धातु ताप व विद्युत वाहाया बांलागु सञ्चालक जुइ। नापं, धातुत झः-झः धाइगु नं या। साधारण तापक्रम व चापय् पारो त्वता मेमेगु दक्वं धातुत ठोस अवस्थाय् दयाच्वनि। धातुत ल्वाकछ्याना थीथी अलोय दयेकेछिं। निता वा अप्व धातु ल्वाकछ्याना दयेकातःगु वस्तुयात अलोय धाइ। थन्यागु वस्तु आपालं धातु स्वया बल्लाइगु जुइ। थन्यागु अलोयतयेत नं थ्व शास्त्रय् सीकिगु जुइ। थुकिलि धातु पृथ्वीं लिकाइगु, प्रशोधन याइगु, थी-थी ज्याया निंतिं माःगु रूप दयेकिगु आदि ज्या जुइ। वर्तमान ईलय् थ्व शास्त्र सिक्क महत्त्वपूर्ण दु। थ्व शास्त्र आर्किटेक्चर, गसा दयेकेत, ज्याभः दयेकेत आदिया निंतिं मदयेक मगाः।

स्वयादिसँ

• अलोय (धातुत ल्वाकछ्याना दयेकातःगु धात्विक वस्तु)
• कँय्
• न
• ब्रास
• लुं
• वहः
• कपर
• सिजः
• पारो
• स्टील
• पिरियोडिक टेबल