नेपालभाषाय् पत्रकारिता

नेपालभाषाय् बुखँपौ न्हिपौ, वाःपौ आदिया रुपय् पिहां वयाच्वंगु दु ।

इतिहास

वि.सं. १९८२ निसें पिथंगु 'बुद्धधर्म व नेपालभाषा' नेपालभाषाय् दक्ले न्हापांगु पत्रिका खः । थुगु पत्रिकाया सम्पादक धर्मादित्य धर्माचार्य खः । आशाराम शाक्यया सम्पादनय् वि सं २००९य् पिथंगु 'पासा' पाक्षिक रुपय् पिहां वइगु दक्ले न्हापांगु पत्रिका ख । थ्व पत्रिका ५२ अङ्कतक पिहांवल व वि सं २०१४ श्रावण ४ गते निसें दित ।

न्हि पौ

वि सं २०१२, असोज १६ गते निसें फत्तेबहादुर सिंहया सम्पादनय् नेपालभाषाया दक्ले न्हापांगु न्हिपौ 'नेपालभाषा पत्रिका' पिथनेज्या जुल । थ्व बुखँपौ २०४१ सालय् दित । वि सं २०४५ मङ्सिर २९ गते निसें अशोक श्रेष्ठया सम्पादनय् 'विश्वभूमि' सन्ध्याकालीन पिथनेज्या जुल । थ्व २०५६ भाद्र २८ गते दित । वि सं २०४८ निसें अशोक श्रेष्ठया सम्पादनय् 'न्हूगु विश्वभूमि' न्हिपौ ध्वायेगु ज्या जुल । थ्व पत्रिका २०५६ आषाढ ७ गते तक्क न्हिपौ व लिपा २०६४ वैशाख ६ गते निसें छुं ई तक वाःपौया कथं पिहांवःगु खने दु ।

थ्व धुंकाः सुरेश मानन्धरया सम्पादनय् पिहां वःगु सन्ध्या टाइम्स धाःसा प्रकाशित जुयाच्वंगु दु। वि सं २०५६ फागुण १ निसें पिहां वःगु नेवाः पोष्ट पलखः दिया वि सं २०५८ चैत्र १८ गते निसें विजयकृष्ण श्रेष्ठया सम्पादनय् पिहाँवल । वि सं २०६० मङ्सिर १४ गतेनिसें सुजीव बज्राचार्यया सम्पादनय् हानं २०६१ साल माघ ३ तक्क थ्व पत्रिका पिहां वःगु खने दु ।

पत्रिका

नेपालभासय् थीथी ईलय् पिथंगु पत्रिका थ्व कथं दु -

• धर्मदूत (नेपालभाषाया जक्क पत्रिका मजूसां नेपालभाषाया च्वसुत दुथ्याःगु पत्रिका)
• धर्नोदय (नेसं १०६८)
• थौकन्हे (नेसं १०७१)
• नेपाल (नेसं १०७२)
• नेपालभाषा पत्रिका (नेसं १०७३-११०३)
• झी (नेसं १०७८)
• सितु (नेसं १०८४)
• मन्तुना

आःया ईले नेपालभाषाय् पिथनिगु बुखँपौ थ्व कथं दु-

• सन्ध्या टाइम्स न्हिपौ
• झीगु स्वनिगः न्हिपौ
• देशय्‌मरु झ्याः वाःपौ
• अप्सरा वाःपौ
• हेटौंडा वाःपौ
• नेपाःसः वाःपौ
• पेज ३ बाःछिपौ
• लाय्‌कू बाःछिपौ
• गोरखापत्र, जनजाति पतिइ नेपालभाषाया च्वसु पिथनिगु या

पिनेया स्वापू

• नेपालभाषाया थी-थी बुखँपौ