ब्याले /ˈbæl/ (French: [balɛ]) १५गू सदीइ इतालियन पूनर्जागरण कालय् [[ब्वः हुलाप्याखं]]या रुपय् उत्पत्ति जुसें लिपा फ्रान्स व रुसय् कन्सर्त हुलाप्याखं जुयावःगु छगू हुलाप्याखँ ख। तत्पश्चात थ्व प्याखँ अति व्यापक व अत्यन्त प्राविधिक रुपया प्याखनय् विकशित जुल गुकिया थःगु हे फ्रेञ्चभासय् आधारित शब्दावली विकशित जुल। थ्व हुलाप्याखनं हलिंया थीथी प्याखनय् थःगु प्रभाव त्वतूगु  दु व मेमेगु थीथी हुलाप्याखँ विधा व तजिलजिइ आधारभूत प्रद्धतितेत परिभाषित याःगु दु। ब्याले हलिंया यक्व ब्वंकुथिइ स्यनिगु या, व ऐतिहासिक रुपय् थन्याःगु विश्वव्यापितां थ्व हुलाप्याखँया विकासक्रमय् ग्वहालि याःगु दु। स्वयादिसँ ब्यालेया खँग्वःधलः ।

एद्गार देगासजु या सन् १८७४स किपा द दान्स क्लासय् क्लासिक बेल तुतु 

ब्यालेया कृति कोरियोग्राफी व संगीतया संगमं सिर्जित जुइ। दसुया रुपय् द नत्क्र्याकर , २-अंक दूगु ब्यालेयात कायेछिं, गुकिया मूलरुप कोरियोग्राफर मेरियस पेतिपा व लेभ इभानोभ खः धाःसा संगीतरचनामि Pyotrप्योतर इलियिच त्साइकोभ्स्कि ख। ब्यालेया नृत्यसंयोजन व प्रदर्शन प्रशिक्षित ब्याले हुलाप्याखँमितेसं याइ। परम्परागत शास्त्रीय ब्याले युरोपियन शास्त्रीय संगीत नाप झःझःखाःगु वसः-तिसा व दबुलिइ पिथनि धाःसा आधुनिक ब्याले, दसु: नवशास्रीय  अमेरिकन कोरियोग्राफर जर्ज Balanchineजुया रचना आपालं सरल वसः-तिसा (दसु: लियोतार्द व ताइत्स) व वृहद दृष्य-पृष्ठभूमि मदयेकः पिथनिगु या।

थ्व किपाय् ब्यालेरिनां पोइन्त(pointe)य् रिलिभे (relevé)स attitude derriereमुद्राय् खनेदु। 

नामाकरण सम्पादन

ब्याले छगू फ्रेञ्च खँग्वः ख गुकिया उत्पत्ति इतालियन ब्यालेत्तो (balletto) खँग्वः ब्यालोballo (हुलाप्याखँ)या अल्पार्थकक कथं  उत्पत्ति जूगु ख। ब्यालो खँग्वः लातिन ब्यालो (ballo), ब्यालारे (ballare) खँग्वलं बुयावःगु ख, गुकिया अर्थ "प्याखँ ल्हुये" खः। थ्व खँग्वः ग्रीक "βαλλίζω" (बालिजो) खँग्वलं बुयावःगु ख गुकिया अर्थ "प्याखँ ल्हुये वा तिंन्हुये" ख। थ्व खँग्वः अंग्रेजी भासय् फ्रेञ्च भासं करिब १६३०स वःगु ख।

शैली सम्पादन

 
Marie Sallé, शास्त्रीय ब्याले हुलाप्याखँमि

ब्यालेय् इतालियन पूनर्जागरण काल निसें हे शैलीगत विविधताया उत्पत्ति व विकास जूगु खनेदु। प्रारम्भिक, शास्त्रीय भिन्नताया उत्पत्ति प्राथमिक रुपय् भौगोलिक कथं उत्पत्ति जुल। दसु: रसियन ब्याले, फ्रेञ्च ब्याले, व इतालियन ब्याले । लिपाया भिन्नता दसु समकालीन ब्याले व नवशास्त्रीय ब्याले धाःसा शास्त्रीय व नव-परम्परागत पद्धति व प्रवृत्तिया लिच्वःया रुपय् दयावल। सम्भवतः, दकलय् प्रचलित व प्रदर्शित ब्याले शैली उत्तरार्धिक रोमान्तिक ब्याले (वा ब्याले ब्लांक) ख। थ्व छकथंया शास्त्रीय शैली ख गुकिलि मिसा प्याखँहुलामि (ब्यालेरिना) व पोइन्ते ज्या दयाच्वनि। थुकिलि तरल व सुनिश्चित चाल दयाच्वनि, व प्याखँहुलामिं परम्परागत तुयु ताःहाकःगु तुतु वसलय् दयाच्वनि।[citation needed]

लिधंसा सम्पादन

Cite error: <ref> tag with name "chantrell" defined in <references> is not used in prior text.
Cite error: <ref> tag with name "wulff" defined in <references> is not used in prior text.
Cite error: <ref> tag with name "craine" defined in <references> is not used in prior text.
Cite error: <ref> tag with name "harper" defined in <references> is not used in prior text.

Cite error: <ref> tag with name "perseus" defined in <references> is not used in prior text.