ल्याटिन भाषा

ल्याटिन (Latina लातीना) प्राचीन रोमन साम्राज्य व प्राचीन रोमन धर्मया राजभाषा खः। थौं-कन्हे थ्व भासा जनबोलीइ मदयेधुंकल। थथेकथं थ्व भाय् मृत भाषा जुसां थ्व भाय् रोमन क्याथोलिक चर्चया धर्मभाषा व भेटिकन सिटीया आधिकारिक राजभाषाया कथं आधिकारिक भाषाया रुपय् दयाच्वंगु दु। संस्कृत थें हे थ्व छगु शास्त्रीय भाषा खः। थ्व भाषा भारोपेली भाषा परिवारयागु रोमान्स कचाया अन्तर्गतय् ला। थ्व भासं हे फ्रेञ्च, इटालियानो, इस्पान्योल, रोमानियनपोर्तुगेस भासात बुयावःगु खः। युरोपय् [ख्रिस्टी धर्म]]या प्रभुत्वया कारणं ल्याटिन मध्ययुगीन व पूर्व-आधुनिक कालय् सकल युरोपय् अन्तर्राष्ट्रीय भाषाया कथं चलनचल्तीइ स्थापित जुल। तत्कालीन युरोपया सकल धर्म, विज्ञान, उच्च साहित्य, दर्शन व गणितया सफू थ्व हे भासय् च्वयातःगु खँ थुकिया आधिकारिकता व प्रचलनया दसु ख।

ल्याटिन भाषा
lingua latina
उच्चारण /ˈlætɪn/
मू भाषी जनसंख्या भेटिकन सिटी
Region इटालियन पेनिन्सुलायुरोप
लोप भाषा भल्गर ल्याटिन यक्व रोमान्स भाषाय् ६गु शताब्दीय् हिलावन
आधिकारिक अवस्था
आधिकारिक मान्यता
भेटिकन सिटी
आधिकारिक कथलं छ्येलि, न्हि-न्हियागु खँल्हागुलि छ्येलिमखु
भाषा कोड
ISO 639-1 la
ISO 639-2 lat
ISO 639-3 lat

लिपि सम्पादन

थ्व भासाया थःगु हे लिपि, ल्याटिन लिपि, दु। थ्व लिपिया सकल आखःतेगु न्ह्याबिलें थें निश्चित उच्चारण जुइ। पूर्व-प्राचीन रोमन लिपि थ्व कथं दु

थ्व लिपिइ सःया च्वे समतल हाकः (Macron)या अर्थ दीर्घ सः जुइ, तर म्याक्रन न्ह्याबिलय् नं च्वयेमाःगु नियम धाःसा मदु। लिपा युनानी भाषाया पाहाँ-खँग्व आयातित यासें युनानी लिपिया थी-थी आखः थ्व लिपिइ दुथ्यातः। थथे दुथ्याःगु आखः थ्व कथं दु : K (क), Y (इयु), Z (ज)। बाआखः "उ"या लागि V प्रयुक्त जुल व सः "उ"या लागि U। थ्व धुंका J (य) व W (व) तनिगु ज्या जुल। लोअरकेस आखः (a, b, c, d, e, f, g, h, i, j, k, l, m, n, o, p, q, r, s, t, u, v, w, x, y, z) मध्ययुगय चलनचल्तीइ वल। पश्चिम व मध्य युरोपया दक्वं भाय् च्वयेत रोमन लिपि छ्येलीगु या।

खँग्व सम्पादन

आखः : A B C D E F G H I L M N O P Q R S T V X
उच्चारण : अ (आ) इ (ई, य) क्व उ (ऊ, उअ) क्स