सन् २८०

सन् २८० (CCLXXX ) जुलियन नगुमाया बिहिबाः न्ह्यथंगु छगू अधिवर्ष ख। अबिलय् थ्व दंयात मेसाला व ग्रेतसया काउन्सुलशिपया दं (वा दं १०३३ Ab urbe condita ) धका म्हसीकिगु या। मध्यकालीन युगया उत्तरार्धय् एनो दोमिनि नगुमा युग युरोपय् प्रचलित जुइधुंका थ्व दंयात सन् २८० धका म्हसीकिगु यात।

झाका

थाय् कथं

रोमन साम्राज्य

प्रोकुलस् धाम्ह रोमन विद्रोहीं लग्दुनम् (ल्योन, फ्रान्स)य् छगू विद्रोह न्ह्यथना थःयात सम्राट घोषित यात।
सम्राट प्रोबसं एशिया माइनरं एलान्स्तेत पिदना छ्वया गउलया विद्रोहयात दमन याइ, प्रोकुलसयात प्राणदण्ड बी।
जर्मनतेसं राइनय् दूगु रोमन लःखः नष्ट याइ, बोनोसस् कोलोनिआ एग्रिपिना (कोलोन)या सम्राट घोषित जुइ।
प्रोबसं बोनोससया सेनायात हतालय् बुके धुंका मेगु उपाय मखंसें बोनोससं थःइत खाना मदयावनि। वय्कःया परिवारयात सम्मानपूर्वक व्यवहार याइ।
जूलियससातर्निकस, सीरियाया राज्यपाल, अलेक्जेन्द्रियाय् पूर्वया रक्षाया हुनिइ थ्यनि। वय्कःयात अन सम्राट घोषित याइ व वय्कः Apameaय् लिहांझाइ। प्रोबसं नगरयात घेराबन्दि याना वय्कःयात स्यानाबी।
रोमन क्षेत्र फ्र्याङ्कतेगु हमलाया निरन्तर भयय् दयाच्वनि। गउलया नगरतयेत रक्षात्मक पःखाः दना बल्लाकिगु ज्या जुइ।

युरोप

Thuringii, छगू जर्मनिक जाति, Harz च्वापुगुं (Thuringia), मध्य जर्मानियाय् खनेदइ।

एसिया

सम्राट सिमा यानं वू राजतन्त्रया आपालं दक्षिणी भूभाग अधिग्रहण यासें चिनिया साम्राज्ययात छगू शासनया दुने एकीकृत याइ, वय्कलं पश्चिमी जिन राजवंश पलिस्था यानादी। स्वंगु राज्यया काल क्वचायेका राजधानी पुलांगु व तःमि नगर लुओयाङयात दयेकि। थ्व बनय्ज्याया सम्पन्न केन्द्र जुइ व हलिंया थाय्थासं राजदूतत थन वइ।
ससानी साम्राज्य(फारस)या जुजु बहराम द्वितीय रोमनाप शान्तिपूर्ण स्वापूया निंतिं थःगु दूत छ्वइ।
गुप्त साम्राज्य (भारत)या पलिस्था। (अनुमानिततिथि)

विषय कथं

कला व दुसिका

यूनानी गणितज्ञ Pappusजुं ज्यामितीय रुपं गुरुत्वाकर्षणया केन्द्रया गुण क्यनि।

बुपिं

सेन्त जर्ज, रोमन साम्राज्यया सैनिक व लिपा ईसाई शहीद (वा सन् २७५, अनुमानित तिथि)

मदूगु

बोनोसस् रोमन विद्रोही
सेन् हुन् वु राजतन्त्रया मन्त्री।
जूलियस सेतर्नियस, रोमन विद्रोही।
कङ् सेन्घुइ बौद्ध भिक्षु व भाय्हिलामि।
गुप्त वंशया महाराज श्री गुप्त
प्रोकुलस्, रोमन विद्रोही
झाङ ति, वूया राज्यया मन्त्री