होरा
होरा भारतीय ज्योतिषया छगू कचा ख। ज्योतिष छगू पारम्परिक ख्यः जूगु व वैज्ञानिक पद्धति मजूगुलिं थुकिया प्रभाव वर्तमानय् म्हो जुया वनाच्वंगु दु। थुकियात तजिलजिया रुपय् मनूतेसं पालना यायेगु या। हिन्दू परम्परा कथं होराय् थी-थी पक्ष स्वया भविष्यय् छु जुइ धका धायेगु कुतः याइ। अथे जुसां थ्व ख्यलं बिइगु लिच्वः वा फल पाय्छि जुइ धका वैज्ञानिक प्रमाण धाःसा आतक्क मलूनि। अतः, थुकियात विज्ञान वा शास्त्र स्वया नं आदिम परम्परा वा अन्धविश्वासया रुपय् कायेछिं।
खँग्वःयागु उत्पत्ति व छ्येलेज्या
सम्पादनउत्पत्ति व विकास
सम्पादनथ्व खँग्वःयात छुं विज्ञतेसं अहोरात्रय् न्ह्यःनेया "अ" व ल्युनेया "त्र" त्वता ल्यंगु "होरा" धका बुयावःगु खँग्वः ख धका धयातःगु दु[१] धाःसा छुं विज्ञतेसं ग्रीक खँग्वः {lang|grc|ὥρα}}नं बुयावःगु धका धयातःगु दु। [२]
छ्येलेज्या
सम्पादनथ्व खँग्वयागु छ्येलेज्या संस्कृतय् व संस्कृत नाप स्वापू दुगु व संस्कृत नं बुया वगु भासय् जुगु खने दु। नापं, नेपालभासय् थ्व खँग्वःयात पाहाँखँग्वःया रुपय् छ्यलातःगु दु।
होराया थीथी पक्ष
सम्पादनहोराय् विश्वास याइपिंसं दयेकातःगु थीथी पक्ष थ्व कथं दु-
- जातक शास्त्र: जातंया शास्त्र
- मूहुर्त मूहुर्त स्वयेगु शास्त्र
- स्वर शास्त्र सः वा नांया आधारया होरा
- प्रश्न न्हेसः नेनिगु ईया आधारय् फल धाइगु होरा
- अंकज्योतिष: अंकया आधारया होरा
- नाडि ज्योतिष: मनूया व्यक्तिगत होरा
- तजिका शास्त्र / वर्ष फल न्हूगु दँय् जुइगु खँया भविष्यवाणी
- जैमिनि सूत्र: आचार्य जैमिनीया च्वसुलि आधारित होरा
- नष्टजातकम्: मदयावंगु जातं दयेकिगु होरा
- स्त्रीजातकम् मिसातेगु जातंया होरा
- ग्रह समुद्रिकी ल्हापा स्वया याइगु होरा
- हस्त रेखा/समुद्रिकी शास्त्र ल्हापाया ध्वः स्वया याइगु होरा
- पादताला शास्त्र: पालितःलेया ध्वः स्वया याइगु होरा
- शकुन शास्त्र: शकुन/सगुन स्वयेगु होरा
- स्वप्न विद्या : म्हगसया होरा
- कपाल विद्या मनूया छ्यं स्वया याइगु होरा
- आकृति विद्या म्हय् दयाच्वनिगु दाग आदि स्वया याइगु होरा
- केराला ज्योतिष स्वां, म्हया भाग आदिया आधारया होरा
लिधंसा
सम्पादन- ↑ The Bṛhat Parāśara Horāśāstra etymologizes the word as ahorātra with the first and last syllables dropped (BPHS.4.1-2)
- ↑ Monier-Williams, A Sanskrit English Dictionary