अप्तिक्स
जः, व जः व पदार्थया अन्तरक्रियाया अध्ययनयात अप्टिक्स वा अप्तिक्स धाइ। थुकियात जःसीका वा जःभौतिकशास्त्र धकाः नं म्हसीके छिं। लायेलामा व अरोरा बोरेलिस थें न्याःगु जःया झाकाया अवलोकन व अध्ययनं जःया प्रकृतिया बारेय् यक्व खँ कनि।
पारदर्शी (transparent) बस्तुं जःयात प्रसारण याये बाय् वने बी। उकिया विपरीत अपारदर्शी वस्तुं जःयात थःया माध्यमं प्रसारण याइमखु व बरु थःत प्राप्त जूगु जःयात प्रतिबिम्बित याइ वा सोसे याइ। अप्व वस्तुतेसं स्पेक्युलर रुपय् जःयात प्रतिबिम्बित याइमखु वा प्रसारण याइमखु व छुं हद तक दुहां वइगु जःयात तितरबितर याइ, गुकियात झःझः (ग्लोसिनेस, glossiness) धाइ। भःया स्केतेरेन्स (scatterance) प्रतिबिम्बित भःया सतहया रफनेस (roughness)या कारणं जुइ , व आन्तरिक स्केतेरेन्स वस्तु दुनेया कण व माध्यम दथुइ अपवर्तन सूचकांक (refractive index )या अन्तरया कारणं जुइ। पारदर्शी वस्तु थें म्हो-पारदर्शी (translucent) वस्तुं नं जःयात प्रसारण याइ, तर म्हो-पारदर्शी वस्तुं नं आन्तरिक स्केतेरेन्सया माध्यमं निश्चित तरङ्ग हाकलय् जःयात तितरबितर याइ।
थ्व विज्ञाननाप स्वापू दूगु छुं मू च्वखँ थथे दु: