धर्मानन्द धर्माचार्य
धर्मादित्य धर्माचार्य नेपालभाषाया न्हापांम्ह पत्रकार खः । वय्कः नेपालभाषाया उत्थानय् जानादीम्ह पुनर्जागरण कालया छम्ह महारथि खः।
धर्मादित्यया खास नां जगतमान वैद्य खः। उच्च शिक्षाया लागि कलकत्ताय् झायेवं अन बुद्ध धर्मया अध्ययन लिपा वय्कलं थःगु नां धर्मादित्य धकाः छुनादिल ।
कलकत्ता विश्वविद्यालय दुने बंगाली, हिन्दी आदि भाषायात मान्यता बियाः ब्वंकगु ज्या यायेवं नेपालभाषायात नं मान्यता बिइमाल धकाः छथ्वः विद्यार्थीत डेलिगेशन वन । लिपा नेपाली भाषायात तकं मान्यता बिल तर नेपालभाषाया पाठ्य सफू मदु धकाः नेपालभाषायात मान्यता मबिइवं थुगु खं मर्माहित जूम्ह धर्मादित्यं नेपालभाषाया मान्यता बिइकेगु लागि सफू पिकायेगु अठोट यानादिल । थ्व हे झ्वलय् बुद्धधर्म नांया नेपालभाषा पत्रिका दकलय् न्हापां पिथनादिल । थुगु बुद्ध धर्म पत्रिका हे नेपालभाषाया न्हापांगु पत्रिका खः।