नेपालभाषा-व्याकरण
नेपालभाषा-व्याकरण नेपालभाषाया दक्ले न्हापांगु प्रकाशित (ध्वागु) व्याकरण सफू खः। थ्व सफू सहिदशिरोमणि स्व॰ शुक्रराज शास्त्री नं च्वयादीगु खः। थ्व सफूया न्हापांगु संस्करण नेपाल सम्बत १०४८या विजया दशमी (मोहनी)य् पिहांवगु खः।
| नेपालभाषा-व्याकरण | |
| भाषा | नेपालभाषा |
| च्वमि | शुक्रराजशास्त्री |
| विधा | व्याकरण |
| पिथना तिथि | ने. सं. १०४८, विजयादशमी |
पिथना
सम्पादनथ्व सफूया न्हापांगु संस्करणय् २५६ पौ दु। थ्व सफूया ध्वाय्ज्या दि इण्डियन नेशनल प्रेस, स्वतन्त्र अफिस, वाराणाशीय् पं अम्बिका प्रसाद वाजपेयी नं यानादीगु खः।
प्रभाव
सम्पादनथ्व सफू नेपालभाषाया दक्ले न्ह्य प्रकाशित जुगु सफूय् छगु ख। थ्व सफू देवनागरी लिपिइ पिहांवगु ख। थ्व सफूया युग धुंका नेपालभाषाया मू-लिपि देवनागरी जुवन। नेपालभाषाय् थ्व स्वया न्ह्य नं व्याकरणत दुगु जुसां छगु नं व्याकरण सफूत प्रकाशित मजु। थ्व सफू नं नेपालभाषाया व्याकरण ख्यःयात ध्वाय्गु युगय् थ्यंकल। भारतीय भाषात व अंग्रेजी भाषाया व्याकरण स्वया व लिधंसा कया देकुलिं थ्व व्याकरणय् नेपालभाषाया स्तरीय याय्गु ज्या जुल। नापं थ्व व्याकरणय् नेपालभाषाय् मदुगु तर भारोपेली भाषाय् दुगु यक्व पक्ष तयातगु दु। नेपालभाषाया पुनर्जागरणय् थ्व सफू नं छगु तधंगु तेवा बिल।
स्वया दिसँ
सम्पादनलिधंसा
सम्पादन- सफू नेपालभाषा-व्याकरण