पञ्चशील
पञ्चशील बुद्ध धर्मय् आस्था दूपिं मनुतयेसं काइगु शील वा नियम ख। थन्यागु न्यागु शील दुगुलिं थुकियात पञ्चशील धाइ। पञ्चशील थ्व कथं दु-
- पाणातिपाता वेरमणी सिक्खापदं समादियामि अर्थात् जिं प्राणी हिंसा मयायेगु शील पालन याये।
- अदिन्नादाना वेरमणी सिक्खापदं समादियामि अर्थात् जिं मखुइगु शील पालन याये।
- कामेसु मिच्छाचारा वेरमणी सिक्खापदं समादियामि अर्थात् जिं व्यभिचार मयायेगु शील पालन याये।
- मुसावादा वेरमणी सिक्खापदं समादियामि अर्थात् जिं मखुगु खँ मल्हाइगु शील पालन याये।
- सुरामेय मज्ज पमादट्ठाना वेरमणी सिक्खापदं समादियामि अर्थात् जिं नशालु पदार्थ मकायेगु शील पालन याये।
तिपितक
सम्पादनपञ्चशीलया मू भाव तिपितकय् थाय्थासय् खनेदु। अङ्गुत्तरनिकायया अट्ठकादिनिपातय् दूगु दुच्चरितविपाकसुत्तय् थ्व शीलतयेगु वर्णन यानातःगु दु। नापं, अंगुत्तरनिकायया हे दशकनिपातया जाणुस्सोणिवग्गोय् नं पञ्चशीलया भाव दु। सुत्तपिटकया खुद्दकनिकायया खुद्दकपाठय् दशसिक्खापदं धका १०ता शील बियातःगु दु। थ्व शीलया न्हापांगु ५ता पञ्चशील ख।