एल्कालाइ धातु

पिरियोडिक टेबलय् एल्कालाइ धातु
↓ पिरियड
2	३ Li
3	११ Na
4	१९ K
5	३७ Rb
6	५५ Cs
7	८७ Fr
चिं एल्कालाइ धातु प्राइमोर्दियल ध्वगिगु

एल्कालाइ धातु पिरियोडिक टेबलया रसायनिक तत्त्वतेगु छगू पुचः ख। थ्व पुचः पिरियोडिक टेबलया न्हापांगु पुचः ख। थ्व पुचलय् दूगु तत्त्वत, शुद्ध रुपय्, वहःरंगया नायुगु तत्त्व जुइ। थन्यागु तत्त्वया दकलय् पिनेया शेलय् छग्वः जक्क इलेक्ट्रोन दइ। थुमिगु रसायनिक प्रतिक्रियाय् थिमिसं छग्वः इलेक्ट्रोन बी। अथे जूगुलिं थुमिगु चार्ज +1 जुइ। थिमिसं तच्वलं लःनाप रियाक्सन याइ व थुकिया कारणं थ्व तत्त्वतयेत पेट्रोलय् स्वथना तयेमा। थमंतुं थ्व तत्त्वत सिक्क हे अस्थिर जु व मेमेगु तत्त्वनाप स्वापू दयेकी। अथे जोगुलिं प्रकृतिइ थ्व तत्त्व गबिलय् नं याकः रुपय् लुइ मखु व न्ह्याबिलय् नं मेमेगु तत्त्व नाप ल्वाकज्यानाच्वंगु जक्क रुपय् जक्क लुइ। थुपिंसं नोबल ग्यास त्वता मेमेगु दक्वं तत्त्व नाप बांलागु स्वापू दयेकेफु। फेय् दइबिलय् थिपिं छकलं हाकुसय् च्वनि। थिपिं नाप छग्वः भ्यालेन्स इलेक्ट्रोन दइ।

एल्कालाइ धातुइ लिथियम (Li), सोडियम (Na), पोटासियम (K), रुबिडियम (Rb), सेसियम (Cs), व फ्रान्सियम (Fr) ला। थिपिंइ लिथियम दकले म्हो रियाक्टिभ जु। लिथियमं क्वय् वने बिलय् क्रमशः रियाक्ऱिभिटि तच्वया वनि। अपवादया रुपय्, रिलेतिभितिया कारणं, फ्रान्सियम स्वया सेसियम अप्व रियाक्टिभ जु।

अल्कालाइ धातु

स्वयादिसँ

• पिरियोडिक टेबल