बुशहिर प्रान्त

बुशहिर प्रान्त वा बोशेर प्रान्त इरानयागु छगु प्रान्त खः। थ्व प्रान्त इरानया दक्षिणी प्रान्तय् छगू खः। थ्व प्रान्त क्षेत्रफल कथं देय्या १७गू दकलय् तःधंगु प्रान्त ख, थ्व प्रान्त फारसया खाडीया सिथय् ला। थ्व प्रान्तया राजधानी बंदर बुशहर ख व थ्व प्रान्तय् १० शहरेस्तान, २६ जिल्ला, २९ गां, ४० नगर व करिब ९१० गां दु। थ्व नापं, थ्व प्रान्तय् २२ द्वीप व प्रायद्वीप दु। थ्व प्रान्तय् निगु कथंया भूभाग दु, ख्यः व गुं। त्व्ह प्रान्तय् बँय् व लखय् च्वनिपिं थीथी जीवया जीवविविधता दु। थ्व प्रान्तया जलवायु क्वागु व सुक्खा दु, तर फारसया खाडी नापंया कारणं तटीय सिथय् लाःगु थाय्त धाःसा क्वाःगु व आर्द्र दु। प्रान्तया छुं गुंच्वका लागाय् आकलझुकल च्वापु गाइगु या।

बुशहिर प्रान्त استان بوشهر
—  प्रान्त  —
[[File:|250px|none|alt=|]]
इरानय् बुशहिर प्रान्त इरानय् बुशहिर प्रान्त
Location of बुशहिर प्रान्त
देय्	इरान
क्षेत्र	Region 2
राजधानी	बुशहिर
Counties	10
Government
- Governor general	Ahmad Mohammadizadeh
- MPs of Assembly of Experts	Hashem Hosseini Bushehri
- Representative of the Supreme Leader	Gholam Ali Safai Bushehri
Area
- Total	२२,७४३ km2 (८,७८१.१ sq mi)
Population (2016)
- Total	१,१६३,४००
- Density	५१.२/km2 (१३२.५/sq mi)
Time zone	IRST (UTC+03:30)
भाय्	पारसी, लुरी, अरबी, थीथी तुर्की भासात
HDI (2017)	0.812 very high · 9th

थ्व प्रान्तया थीथी भूभागय् इतिहासया महान व प्रसिद्ध राजवंशतेगु देगः व लाय्कू दु। थन एलामाइट्स व मेसोपोटामियन सभ्यताया भगनावशेष दु। बुशहर बन्दरगाहया नापं रोइम्हार देगः, दारुदगाह व अबपख्शया दथुइ बर्दक सिया महल थनया छुं नांजाःगु ऐतिहासिक थाय् खः। थ्व नापं, बुशहर प्रान्त उपनिवेशवादया विरुद्धय् संघर्षया प्रतीकया रूपं नं म्हसीकिगु या। फारसी पात्रोय् शाहरिवारया १२गू तारीख (गबिलय् रईस अली देलवारीया मृत्यु जूगु दिं)यात राष्ट्रिय पात्रोय् उपनिवेषवाद विरुद्ध राष्ट्रीय संघर्ष दिवसया रूपं हनिगु या।

थ्व प्रान्तया मनूत आपालं फारसी व बुशेहरी भाय् ल्हा। तर प्रान्तया उत्तरय् (गणवेह, दश्तिस्तान व दिलम शहर) लोरी भाषा ल्हाइ धाःस शिफ द्वीप, कंगन व असलुयेह थें न्याःगु थासय् अरबी भाय् ल्हाइगु या। जातीय रूपं बुशहर प्रान्तया मू जनसंख्या लोर व अरब जाति दु धाःसा अल्पसंख्यकय् फ़ार्स जाति दु। बुशहर प्रान्तया ९९% मनू शिया मुस्मां धर्म पालन या। लिपांगु मनूल्याया ल्याखँ कथं बुशहर प्रान्तया ९७% मनू साक्षर दु। थ्व ल्या राष्ट्रीय औसत स्वया अप्व। बुशहर प्रान्तय् महत्वपूर्ण शैक्षिक केन्द्रय् फारसया खाडीय् दूगु विश्वविद्यालय व बुशहर मेडिकल साइंसेज विश्वविद्यालय ला।

बुशहर प्रान्त देय्या ३गू दकलय् तःधंगु अर्थव्यवस्था खः व थनया प्रति व्यक्ति आय देसय् प्रथम थासय् ला। चिकं, ग्यास व पेट्रोकेमिकल्स, विद्युत संयन्त्र, बुंज्या व न्याजवा ज्या, खानी, समुद्री उद्योग, वाणिज्यिक गतिविधि व फारसया खाडीइ सामरिक कथं महत्त्वपूर्ण भूभाग जूगुलिं थन विविध अर्थव्यवस्थातेगु संयोजन जूगु दु। थुकिया कारणं थ्व इस प्रान्त इरानी सरकारया निंतिं यक्व महत्त्वया प्रान्त जूगु दु।

प्रशासनिक विभाजन

ल्या	शाहरेस्तान	प्रान्त	सन् २००६(हिसं १३८५)स जनसंख्या	सन् २०११(हिसं १३९०)स जनसंख्या	ल्या	पलिस्था तिथि (हिजरी संवतय्)
६०	बोशेर	बोशेर	२२५,२९७	२५८,९०६	१	१३१६
६९	दशतसतान	बोशेर	२२६,९०५	२२९,८९७	२	१३३३
१०२	कनगान	बोशेर	९५६३४९	१७०,७७४[४]	३	१३५८
१९६	गुना वे	बोशेर	८३,४१८	९०,४९३	४	१३५८
२२४	दश्ती	बोशेर	७४,८९८	७७,५३०	५	१३५८
२४२	तनगसतान	बोशेर	६३,७३५	७०,२८२	६	१३५८
२९६	देर	बोशेर	४८,६३६	५२,५२३	७	१३५९
३०१	जम	बोशेर	३८,५७८	५१,४४६	८	१३८१
३७७	दीलम	बोशेर	२९६४५१	३१,५७०	९	१३७४

स्वयादिसँ

• इरान

इरानया प्रान्त

इरानया ध्वांय्

आर्दाबिल • बुशेहर • चाहार महल व बाखतियारी • पूर्व अजरबइजान • इसफाहान • फार्स • गुइलान • गोलेस्तान • हामादान • हर्मोजगान • इलाम • केर्मान • केर्मानशाह • खुजेस्तान • कोहकिलुयेह व बुइयार अहमद • कुर्दिस्तान • लोरेस्तान • मार्काजि • माजान्दारान • उत्तर खोरासान • काजभिन • कोम • राजाभि खोरासान • सेम्नान • सिस्तान व बालुचिस्तान • दक्षिण खोरासान • तेहरान • पश्चिम अजरबइजान • इयाज्द्‌ • जान्जान