विभाष राग
बिभास राग नेवाः संगीत व हिन्दुस्तानी शास्त्रीय सङ्गीतया छपु राग ख। थ्व भैरव थाट् गणया राग ख। थ्व ओडव जातिया राग ख। थ्व राग नेवाः संगीतय् न्हिनेया व हिन्दूस्थानी संगीतय् सनिलया राग ख। थ्व रागया वादिस्वर धैवत ख धाःसा थ्व गान्धार संवादिस्वरया राग ख। रे व ध सः कोमलस्वर दु। गप व मध सःपुचः रसोत्पादक दु। थ्व रागय् पञ्चमय् वैशिष्ट्यं ला। थ्व वीररस प्रतिपादक राग ख।
- आरोहः - स रे ग प ध स
- अवरोहः - स ध प ग रे स
- पक्कड - ध प ग प, ध प ग-रे स
दसु
सम्पादनथ्व रागय् चिनातःगु प्राचीन नेपालभाषाया छपू दाफा म्ये क्वसं बियातःगु दु। थ्व म्ये नेपालभाषाया आदिकवि जुजु महेन्द्र मल्लं च्वयादिगु ख। थ्व म्येया ताल प्रताल ख [१]-
कपटीया मायान केन्या हे रामा ॥धु॥
न्ह्यवस जी दोन्या छिपाली मजोन्या सुखया रसतु लेन्या।
लोभसतु दोन्या थिर तासे चोन्या जमया पास मखन्या ॥१॥
हितन जि कन्या न्हसस मथन्या आव नुगल मछिन्या
अनारी मनन लिमल मखन्या मखुल लपुस दुविन्या ॥२॥
पुराण आदिन तंत्र मन्त्र जपतप दक जीन बोन्या
न्हिनीछिया दिन खिउजुसेवन छि नाम काय मलान्या ॥३॥
छुयाय दासनि छेमा जी पापीया कृष्णया दासनं ल्हान्या॥४॥
समय
सम्पादननेवाः संगीतय् थ्व राग १२ निसें १ता ई तक्क हालिगु या। मेमेगु थासय् ६ निसें ८ ता ईतक्क हालिगु या।