करूर जिल्ला

करूर जिल्ला भारतया दक्षिणी राज्य तमिलनाडुया छगू जिल्ला ख। थ्व जिल्लाया आधिकारिक भाय् तमिल भाषा ख। थ्व जिल्लाया मू नगर व प्रशासनिक केन्द्र करूर खः। थ्व जिल्लाया क्षेत्रफल २,९०४ वर्ग किमी दु। थ्व जिल्लाय् २ खुसि अमरावती व कावेरीया संगम जुइ।

करूर जिल्ला
—  जिल्ला  —
देय्  भारत
राज्य तमिलनाडु
Time zone IST

करूरय् चेरा चोल व नायक वंशया शासन दयाच्वन। लिपा, थन अंग्रेजतेगु शासन जूवन। थ्व थाय् प्राचीन काल निसें हे लुंया तिसा दयेकिगु ज्याया निंतिं नांजाः। करूर विभिन्न तमिल जुजुतेगु युद्धक्षेत्र नं जूगु इतिहास दु। इतिहासय् थ्व थाय् कोंगु देशया भाग जूगु नं उल्लेख यानातःगु दु। थ्यं-मथ्यं २००० दँया इतिहास नापं करूर नगर तमिलनाडुया दकले पुलांगु नगरय् छगू खः।

प्राचीन कालय् थ्व थाय् करुवूर व वांची नगरया नामं म्हसीका तलः। थ्व थाय् चेर राज्यया राजधानी नं खः। चोल व पांडिया साम्राज्यतेसं थ्व जिल्लाया करुर नगरयात त्याकेत यक्व ल्वापू ल्वातः। करुवूरया प्राचीन कालय् रोमापुरी नाप नापंया स्वापू दयाच्वन। थीथी पुरातत्व अध्ययनय् थन रोमन सिक्का लूगु दु, गुकिलिं करुवूरं लुंया तिसा निर्यात याइ धाःगु खँयात समर्थन या। थ्व नापं १५० यूनानी चिनाखँमितेसं थःगु म्येय् करुवुरा वा "कोरुवुरा"या रूपय् वर्णित याःगु व थ्व नगरयात तमिलनाडुया दकले भिंगु वाणिज्यिक केन्द्र धकाः धयातःगु दु।

चेरतेगु राजधानी वनजीइ पांड्यातेगु कब्जा धुंका लिपा पल्लव जुजुतेगु शासन वलः। करुवूर ताःहाकःगु समय तक चोलतेगु शासनया अधीनय् लानाच्वन। करुवूर नायक व लिपा टीपू सुल्तानया शासनया अधीनय् लाःवन। सन् १७९३स अंग्रेजतेसं करूर किल्लायात भेद यासें करूरय् कब्जा यात।

करूर तालुका ब्रिटिश शासन बिले तत्कालीन कोयंबटूर जिल्लाया भाग जुयाच्वन। लिपा, सन् १९१०स तिरुचिरापल्ली जिल्लाय् थ्व तालुका विलय जुल।


जनसंख्या सम्पादन

सन् २०११स जनगणना कथं थ्व जिल्लाया तालुका व ग्रामीण जनसंख्या थ्व कथं दु-

राज्य कोद जिल्ला कोद तालुका कोद प्रशासनिक इकाइ राज्य/जिल्ला तालुका सकल गां ग्रामीण जनसंख्या सकल ग्रामीण मिजं सकल ग्रामीण मिसा
३३ राज्य तमिलनाडु १५०४९ ३७२२९५९० १८६७९०६५ १८५५०५२५
३३ ६१३ जिल्ला करूर जिल्ला १६९ ६२९९७६ ३१२६२८ ३१७३४८
३३ ६१३ ५७६८ तालुका अरवकुरिच्चि ५६ १४०२८५ ६९५१४ ७०७७१
३३ ६१३ ५७६९ तालुका करूर ३४ १२८६४८ ६३७११ ६४९३७
३३ ६१३ ५७७० तालुका कृष्‍णरायपुरम २२ १००९३७ ५०३५८ ५०५७९
३३ ६१३ ५७७१ तालुका कुलितलै ३५ १५०२६७ ७४२५२ ७६०१५
३३ ६१३ ५७७२ तालुका कडवूर २२ १०९८३९ ५४७९३ ५५०४६

चाःहिलिगु सम्पादन

थ्व जिल्लाया छुं नांजःगु थाय् थ्व कथं दु:

  • अरुल्मिकु कल्याण पसुपदीश्वरर देगः
  • कल्याण पसुपदीश्वरर देगः
  • अरुलमिकु मरियम्मन देगः
  • अरुल्मिकु कल्याण वेंकटरमण स्वामी देगः
  • एवोकैडो हिल
  • नेरूर
  • पुगाझिमलाई
  • अय्यारमलाई
  • तिरुमुकुदलूर
  • थिरकम्पुलियुर चेल्लांडियाम्मन देगः
  • सरकारी संग्रहालय
  • पोन्नानियार बांध
  • मयनूर कथावाणी
  • अम्मा पार्क

स्वयादिसँ सम्पादन


तमिलनाडुयागु जिल्ला
अरियालूर जिल्ला | चेन्नई जिल्ला | कोयम्बत्तूर जिल्ला | कडलूर जिल्ला | धर्मपूरी जिल्ला | दिण्डुक्कल जिल्ला | ईरोडु जिल्ला | कांचीपुरम् जिल्ला | कन्याकुमारी जिल्ला | करूर जिल्ला | कृष्णगिरी जिल्ला | मदुरै जिल्ला | नागपट्टिनम जिल्ला | नामक्कल जिल्ला | निलगिरी जिल्ला | पेरंबळूर जिल्ला | पुदुकोट्टै जिल्ला | रामनादपूरम जिल्ला | सेलम जिल्ला | शिवगंगै जिल्ला | तंजावुर जिल्ला | तेनी जिल्ला | तूतकुडी जिल्ला | तिरूचिरापल्ली जिल्ला | तिरूनेलवेली जिल्ला | तिरूपूर जिल्ला | तिरूवल्लूर जिल्ला | तिरूवन्नमालै जिल्ला | तिरूवरूवर जिल्ला | वेल्लूर जिल्ला | विलुप्पुरम जिल्ला | विरूध नगर जिल्ला