Open main menu

तमिल भाय (தமிழ்) छगु द्रविडिय भाषा खः। थ्व भाय् तमिल जातियागु मनुतेसं अप्वयाना छ्येलि। वर्तमान हलिमय् दयाच्वँगु द्रविदियन भासय् थ्व भाय् दकलय् तःधंगु भाय् ख।

तमिल
தமிழ் tamiḻ
उच्चारण /t̪ɐmɨɻ/
मू भाषी जनसंख्या भारतश्रीलंका, अल्पसंख्यकतः सिंगापोर, मलेसिया, दुबइ, मरिसस, व दक्षिण अफ्रिका,
Native speakers
८,००,००,००० (२००५)  (date missing)
आधिकारिक अवस्था
आधिकारिक मान्यता
भारत, श्रीलंकासिंगापोर
भाषा नियमन संस्था तमिलनाडु सरकार
भाषा कोड
ISO 639-1 ta
ISO 639-2 tam
ISO 639-3 tam
Word Tamil.svg

साहित्यEdit

तमिलभासाया साहित्ययात थीथी कालखन्दय् बायेछिं।

संगमकालEdit

संगम साहित्य (तमिल भासय्: சங்க இலக்கியம், सङ्ग इलक्कियम्) प्राचीन तमिल साहित्यया छगू कालखण्ड ख। थ्व साहित्यया मू कालखण्ड करिब ३००इपू निसें ३००इसं तक दयाच्वन। थ्व साहित्यिक कालखण्डय् तमिल भासय् ४७३ चिनाखँमिं च्वयातःगु २३४१ चिनाखँ लूगु दु। थ्व ४७३चिनाखँमिइ १०२म्ह अज्ञात दु। [५] वर्तमानकालय् दूगु संगम साहित्यया अधिक भाग तृतीय संगम कालया रचना ख। दक्षिण भारतया प्राचीन इतिहास थुइकेतः थ्व साहित्यं ग्वहालि या। थ्व साहित्यय् साहित्यकालया स्वंगु राजवंशया नां वर्णन यानतःगु दु: चोल, चेर व पाण्ड्य। संगम साहित्य च्वमित पाण्ड्य शासकतेगु संरक्षणय् दयाच्वंगु तमिल चिनाखँमितेगु पुचः ख। कुल ३ संगमय् प्रथम संगम मदुराइस अगस्त्य ऋषिया अध्यक्षताय् जूगु ख। शिलप्पादिकारम्, जीवक चिन्तामणि, तोल्क्पियम्, मणिमेखले छुं महत्वपूर्ण संगम महाकाव्य ख। जुजु व सामान्ततेगु आश्रयाधीन सभाय् एकतृत जुइपिं चिनाखँमितेसं करिब १००० दँतक्क मदुराइया छथासय् वया संगम यासें चिनाखँ संकलन यायेगुलिं थ्व साहित्ययात 'संगम' धाःगु ख। थ्व साहित्यया छम्ह चिनाखँमि तिरूवल्लूवरया त्रिकुरल हलिमय् नांजाः व थ्व ग्रन्थयात मेमेगु भासय् नं भाय्‌हिला याःगु दु। संगम साहित्य धार्मिक मजुसें अबिलय्‌या तमिलमन्दःया मतिना, हताः, प्रशासन आदि विषयय् केन्द्रित जु। संगम साहित्यय् ३०,००० पंक्ति चिनाखँ दु। थ्व चिनाखँतेत २ता पुचलय् मुंकातःगु दु। थ्व निता पुचः पतिणेण्मेल्कणक्कु (பதினெண்மேல்கணக்கு) व पतिणेण्कील्कणक्कु (பதினெண்கீழ்கணக்கு)। पतिणेण्मेल्कणक्कुयात ऐट्टुत्तॊकै (எட்டுத்தொகை) व पत्तुप्पाट्टु (பத்துப்பாட்டு) धाःगु पुचलय् बायातःगु दु।

तमिल लिपिEdit

तमिल भाषा तमिल लिपिइ च्वैगु या। तमिल लिपि ब्राम्हि लिपिं बुयावःगु लिपि जूगुलिं थ्व लिपिइ ब्राह्मिया मेमेगु कचालिपिइ थें हे माःआखः व बाःआख दु। थ्व लिपि व देवनागरीया आखः थ्व कथं दु।

  • अ - அ
  • आ - ஆ
  • इ -இ
  • ई - ஈ
  • उ - உ
  • ऊ - ஊ
  • ए - ஓ
  • ऎ - எ
  • ओ - ஓ
  • औ -ஔ
  • ऒ - ஒ
  • - கஂ
  • क - க
  • ख -க
  • ग - க
  • घ - க
  • ङ - ஞ
  • च - ச
  • छ - ச
  • ज -
  • ञ - ஞ
  • ट - ட
  • ठ - ட
  • ड -
  • ढ -
  • ण - ண
  • त - த
  • थ - த
  • द -
  • ध -
  • न - ந
  • प - ப
  • फ -ப
  • ब -
  • भ -
  • म - ம
  • य - ய
  • र - ர
  • व - வ
  • श - ஸ
  • ष - ஷ
  • स - ஸ
  • ह - ஹ

स्वयादिसँEdit