यचा क्वसाः, जाः म्हसिका व यचिं तजिसु कथं ध्याकुनय् लाकातःपिं

यचा क्वसाः, जाः म्हसिका व यचिं तजिसुया आधारय् ध्याकुनय् लाकातःपिं बा विभेद व लान्छना भ्वगेयाये माःपिं मनूतय्‌तः यचा क्वसाः, जाः म्हसिका व यचिं तजिसु कथं ध्याकुनय् लाकातःपिं धकाः धाइ । थ्व छगू कुसा खँग्वः खः ।

नां

क्वय्‌र

यचा क्वसाः, जाः म्हसिका व यचिं तजिसु कथं ध्याकुनय् लाकातःपिंतः क्वय्‌र मनूत धकाः नं धाइ । थ्व खँग्वः न्हापा अङ्ग्रेजी भासं यचा क्वसाः, जाः म्हसिका व यचिं तजिसु कथं ध्याकुनय् लाकातःपिंतः ह्यपेयायेगु कथं छ्यलीगु खः । नेसं ११०१ (सन् १९८०)सं यचा क्वसाः, जाः म्हसिका व यचिं तजिसु कथं ध्याकुनय् लाकातःपिंतः थ्व खँग्वः लाका कायेगु कुतः यात । अवहेलना यायेतः छ्यलीगु खँग्वः थःपिन्सं हे छ्यलाः व खँग्वलं अवहेलनाया भाव हे त्वःथलाब्यूगु खः । अज्याः बिद्रोहया लू कथं थ्व खँग्वः आः हलिंयङ्क छ्यलाबुलाय् वयाच्वंगु खः । थौंकन्हय् थ्व खँग्वः प्राग्यिक ख्यलय् आपलं छ्यः । क्वय्‌र ब्वनेज्या धकाः ब्याग्लं छता ब्वनेख्यः हे दु ।

जाः व यचा म्ह्वःल्याः

गुलिस्यां यचा क्वसाः, जाः म्हसिका व यचिं तजिसु कथं ध्याकुनय् लाकातःपिंतः जाः व यचा म्ह्वःल्याः धकाः नं धाइ । नेपाःया संविधानय् नं थुगु खँग्वःया छ्यलाबुला दु । थ्व खँग्वः गुलिस्यां ययेकू धाःसा गुलिस्यां कुंखिउँ । जिपिं म्ह्वःल्याः (अल्पसंख्यक) मखु धकाः छथ्वः सः दु धाःसा यचा म्ह्वःल्याः धकाः मूधाःया यचा अभ्यास सिबें पाःगु अभ्यास यायेवं पाकीगु कथं छ्यलाबुला जुयाच्वंगु धकाः छथ्वः सः दु ।

दिनिस

यचिं तजिसु

• त्यामज्यू यचिं

जाः म्हसिका

• यितामि
• निथीपिलाःमि
• भामय्‌जु

यचा क्वसाः

• ज्वःयचामि
• नसियचामि
• द्वखुयचामि
• सुन्यायचामि

अधिकार

• क्वय्‌र मनूतय्‌गु अधिकार
• यितामितय्‌गु अधिकार
• त्यामज्यू यचिं दुपिनेगु अधिकार
• निथीपिलाःमितय्‌गु अधिकार
• भामय्‌जुपिनेगु अधिकार

हनेगु दिंत

• त्यामज्यू यचिं बारे सयेकेसीकेगु दिं
• क्वय्‌र मनूत पाखेया महिता बिरुद्धया दिं
• यितामि म्हसिकायातः ल्वय् नालीगु बिरुद्धया ज्यासना दिं
• यितामि लुमन्तिया दिं