नेपाः भाय्

नेपाः भाय् / नेपाल भास
छ्यलीगु थाय्	नेपाः
थात् चाकः	इता एसिया
भाय् छ्यलिपिनिगु ल्याखं	१२ लख
भाय् माचाछि भाय् वब्वथला	चीन-सँय् सँय्-बर्मा नेपाः भाय् / नेपाल भास
भाय्‌या कोद
नेपाःया छ्यलाबुलाय्	nb
ISO 639-1	new

नेपाः भाय् (नेवा: भाय्, नेवाल भास, नेपाल भास) नेपाल देय्‌या छता मू भाय् ख: । थ्व भाय् नेपाल मन्दल (स्वनिग: नापं थिथि थाय्), काभ्रेपलान्चोक, द्वाल्खा, पाल्पा, भोजपुर व नेपालया मू बजाः नापं भारतया आसाम, दार्जिलिङ, सिक्किम व चीनया ल्हासा (तिब्बत) तकं छ्यलाच्वंगु दु । थ्व भाय् नेवाःतय्‌गु मांभाय् खः ।

लिपि Edit

मू पौ: नेपाः भाय्‌या लिपित

नेपाः भाय्‌या थःगु हे लिपि दु । थुपिं लिपित मल्लतय् पालय् ब्वलंगु खः । नेपाः भाय्‌या थिथि लिपित दथुइ नेपाल लिपि मू लिपि खः । नेपाल लिपिया दकलय् न्हापांगु छ्यला ने.सं. २८ य् लंकावतार नांया ग्रन्थय् खनेदु । थ्व लिपियातः नेवाः आख: धकाः नं धायेगु चलन दु ।

नेपाः भाय्‌या थःगु हे लिपित ब्वलने न्ह्यः ब्राह्मि लिपि नं छ्यलाबुला जूगु खनेदु ।

कचा भाय् Edit

साहित्य Edit

मू पौ: नेपालभाषा साहित्य

मू पौ: नेपालभाषाया च्वमितेगु धलः

नेपालभासय् च्वयातःगु साहित्ययात नेपालभाषा साहित्य धाइ। प्राचीन संस्कृत ग्रन्थत थुइकेत टीकाया रुपय् वा भाय्‌हिला शुरु जूगु नेपालभाषा साहित्यया ख्यः वर्तमान ईलय् वयाः सिक्क चकंगु दु। हलिं साहित्यय् खनिगु आपालं विधाया ज्या नेपालभाषा साहित्यय् नं जूगु खनेदु। थःगु ताःहाकःगु इतिहासय् नेपालभाषा साहित्यं यक्व उतारचढाव खंगु दु। लिच्छविकालय् लिपिबद्ध वाङ्मयया शुरुवात काल निसें आःतक्कया युगय् थ्व भासं नेपाःया राजभाषा निसें कया प्रतिबन्धित भाय् तक्कया अवस्था खंगु दु। थन्याःगु ताःहाकः इतिहासया झ्वलय् नेपालभाषायात थुइकेत नेपालभाषा साहित्ययात प्राचीन, माध्यमिक व आधुनिक यासें स्वंगु विधाय् बायेछिं। नेपालभाषाया थीथी साहित्यिक विधा थ्व कथं दु-

ल्हायेगु साहित्य
- परम्परागत म्ये (नेवाः संगीत, दाफा, चर्या)
- दबू ख्यालिखं (Stand-up comedy)
च्वयेगु साहित्य (च्वसु)
- पद्य
  - काव्य (महाकाव्य, खन्दकाव्य, प्राचीन काव्य)
  - चिनाखँ (छन्द दूगु, स्वछन्द, आधुनिक, चिनाखँमुना)
- गद्य
  - बाखं
  - उपन्यास
  - दबूप्याखं
  - च्वखं
  - ध्याचु
  - ख्यालिखं