बरामो

बरामो नेपाःया पहाडी लागाया छगू जनजाति ख। थ्व जनजाति आपालं नेपाःया मध्य-पहाडी क्षेत्रय् बसोबास याइ ।

बरामो, बराम, बरामु
सकल जनसंख्या
७३८३
अप्व जनसंख्या दुगु थाय्
गोरखा, तनहुं
भाषा
बल्कुरा
धर्म
प्रकृति पुजा, हिन्दू

जनसंख्या

सन् २००१या जनगणना कथं थ्व जातिया जनसंख्या ७,३८३। थ्व जाति नेपाःया मध्य-पहाडय् च्वनि। थ्व जनजाति आपालं गोरखा व तनहुं जिल्लाय् खने दु । नापं थ्व जाति धादिङ, मकवानपुर व यल जिल्लाय् नं खने दु ।

अर्थतन्त्र

थ्व जातिया अर्थतन्त्र मूल रूपं बुंज्याय् आधारित जुगु खने दु। थ्व जातिं पशु लःहिनिगु, सिंकःमि, दकःमि आदि ज्या नं या।

इतिहास

थ्व जाति थःगु जाति किरांत जातिं पिहां वःगु धका विश्वास या। सुनुवार, सुरेल, जिरेल, राइ, लिम्बु आदि पहाडी जातित नाप थ्व जातिया स्वापू दु ।

भाषा

बरामो जातिया थःगु हे भाषा दु। थ्व भाषायात ब्ल्कुरा धाइ। थ्व भाषा तिब्बती-बर्मेली भाषा परिवारया छगू भाषा ख।

धर्म

थ्व जनजाततिं प्रकृति पुजा व हिन्दू धर्मय् विश्वास याइ। थ्व जातिं पुज्याइगु मू द्यःत परिवारया द्यः, चण्डी, भुमे, गुं द्य आदि ख। थ्व जातिइ धामी, झाँक्रीया नं चलन दु।

संस्कृति

किरांत जातिइ दैगु सामुददायिक किपट बुंया प्रथा थ्व जातिइ नं खनेदु। थ्व जातिया संस्कृति मगर जाति नाप मिले जु। थ्व जातिं थःगु मचायात बूगु ५न्हु वा ११न्हुइ मचाजङ्को याइ । थ्व जातिं चेवार (बुसंखा) धाःगु पर्वय् पौ नं भिन्चाया सं खाना बि। थ्व जातिइ इहिपा आपालं परिवारं हे स्वया यानाबीगु चलन दु। थ्व जातिया चलन मगर जाति नाप मिले जु। थ्व जातिइ थःगु थःथिति (क्रस-कजिन म्यारेज) नाप नं इहिपा यायेगु चलन दु।

स्वयादिसँ

• नेपाःया जनजाति