नेवाः

नेवाः (मेमेगु नां : नेवार, नेवाल आदि) नेपाःया छगु समुदाय ख।

नेवाः
सकल जनसंख्या
३० लखः
अप्व जनसंख्या दुगु थाय्
नेपाः, भारत, संयुक्त राज्य अमेरिका, संयुक्त अधिराज्य, अस्ट्रेलिया
भाषा
नेपालभाषा
धर्म
हिन्दू धर्म, बौद्ध धर्म, इसाई धर्म

इतिहास

स्वयम्भू महापुराणकथं नेपाःगाः नागवासदह जुयाच्वंबलय् थुकी बुयावःगु पलेस्वानय् उत्पत्ति जुम्ह स्वयम्भू ज्योतिरूप दर्शन यायेत महाचीनं वःम्ह मञ्जुश्रीनं चोवाहाया ल्वहं तछ्यानाः लःपित छ्वयाःथन मनूत च्वने ज्यूगु बस्ती दयेकल । थःनापं ब्वनाहयापिं मनूतय्त थन हे तोताः धर्माकरयात मञ्जुपटन नगरया जुजु याना थकल । उर्वर भूमि व सुन्दर स्थान जूगुलिं उत्तरपाखें मंगोलियन त व दक्षिणपाखें आर्यत वयाः थन च्वंवल । थुपिं निखलसिगु सम्मिश्रणं ‘नेवाः’ जाति दयावःगु खः धयागु विद्वान्तय् धापू दु।

च्वनिगु थाय्

थ्व जाति नेपाःया शहरी थासय् च्वनिगु या। थ्व जातिया मू थाय् नेपालमण्डल ख।

बस्तित

थ्व जातिया मू बस्तीत थ्व कथं दु:

• येँ
• यल
• ख्वप
• भोंत
• क्येपू
• थिमी
• त्रिशूली
• दोलखा
• पाल्पा
• बागलुङ
• बन्दीपुर
• तातोपानी
• सिक्किम
• दार्जीलिङ

आ वया थ्व जातिया जनसंख्या ड्यालास, ह्युस्टन, शिकागो, न्युयर्क, लन्दन, सिड्नी आदि नगरय् नं अप्वया वइच्वंगु दु।

नसात्वँसा

स्वयादिसँ:नेवाः नसात्वँसा
थ्व जाति नेपाःया जातितेगु दथुई नसात्वँसाय् सिक्क तमि खने दु।

वसः

स्वयादिसँ:नेवाः वसः
थ्व जातिया मिजं तेगु वसः लंसुरुवा व मिसातेगु वसः पर्सी आदि खः।

समाज

स्वयादिसँ:नेवाः समाज
नेवाःतेगु समाज यक्व जातय् बायातःगु दु। जातया आधार ज्याया कथं तयातगु दु। नेवातेगु समाज सञ्चालन यायेगुलि गुथिया तःधंगु ह्या दु।

भाषा

स्वयादिसँ:नेपालभाषा
नेवाःतेगु मू भाषा नेपालभाषा ख। आ वया थ्व जातिया मनुतेसं खेँ भाषा व अंग्रेजी भाषा थें न्यागु भाय्‌ नं छ्य्‌लाच्वंगु दु।

अर्थतन्त्र

थ्व जातिया अर्थतन्त्र नेपाःया मेमेगु जातिस्वया च्वे ला। नेपा़ःया सरकारं थ्व जातियात उन्नत समूहय् सूचिकृत यानातगु दु।

धर्म

नेवा:तेसं आपातं हिन्दू धर्म वा बौद्ध धर्म मानेयाइ। मेमेगु धर्म गथेकि ॐ शान्ति,ख्रीस्ट धर्म,इस्लाम, व मेमेगु धर्म नं छ्यलाबुलाय् दु। थौंकन्ह्य् नस्तिकता दुपिं नेवाःत नं दु। नस्तिकता दुपिं नेवाःत यक्व मरु तर क्रोजन कपाली छम्ह खः।

प्याखं

नेवाः प्याखं

जेनेटिक्स्

स्वयादिसँ:जेनेटिक्स् नेवाःतेके आपातं वाइ क्रोमोजोम हाप्लोपुचः यागु "आर(R)","ओ(O)" व "एच(H)" दै।

कासा

स्वयादिसँ:-नेवाः कासा

स्वयादिसँ:-

नेवाः हिन्दु