भुजेल

भुजेल नेपाःया छगू पहाडी जनजाति ख। थ्व जनजाति गण्डक खुसिया लागाय् ह्वलाच्वंगु खने दु ।

भुजेल
सकल जनसंख्या
११७,६४४
अप्व जनसंख्या दुगु थाय्
पहाडी गण्डक खुसिया लागा
भाषा
भुजेल भाषा
धर्म
प्रकृतिपुजा, हिन्दू धर्म

जनसंख्या

सन् २००१या जनगणना कथं थ्व जातिया जनसंख्या ११७,६४४ दु। थ्व जनसंख्याया २०प्रतिशत स्वया म्हो साक्षर दु। नापं थ्व जातिया अप्व मनुत गरिबी रेखा स्वया क्वे ला ।

अर्थतन्त्र

भुजेल जातिया मू ज्या बुंज्या ख। थ्व जातिं कृषिप्रधान समाजय् माःगु ज्याभःत दसु हलो, दाम्लो, नाङ्लो, नाम्लो, मान्द्रो, भकारी आदि देकिगु वसः, सिलः सुइगु, गलैंचा निनिगु, पशु लहिनिगु आदि नं या। थौंकन्हे थ्व जातिं बनेज्या यायेगु व सरकारी जागिर नैगु नं या।

इतिहास

बागलुङ जिल्लाया भुजि व निशि लागा भुजेलया पुर्खेली थाय् ख धैगु विश्वास दु। मध्य नेपाःया भुजि खुसिया नापं च्वनिगु जुलिं थ्व जातियात भुजेल धाःगु ख। थ्व जातिया मनुतेत भुजेल व घर्ती निगु हे धैगु चलन दु। छुं विज्ञतेसं धाःसा निशेलत घर्ती व भुजेलत खावा धैगु या। मध्य पश्चिम नेपालय् मध्यकालय् खमे दूगु डोर राज्यय् थ्व जातिया बाहुल्य दुगु खने दु । लिपा बांमल्हागु झाका जुइ धुंका थ्व जाति गण्डक खुसिया लागाय् च्वने न्ह्यथंगु ख धैगु विश्वास दु । ऐतिहासिक व सांस्कृतिक कथं थ्व जाति मगर जाति नाप मिले जुगु खने दु ।

भाषा

थ्व जातिया भुजेल भाषा तिब्बती-बर्मेली भाषा परिवारया पूर्वी हिमाली खण्डया छगू भाषा ख। थ्व भाषा चेपाङ भाषा नाप मिले जु ।

धर्म

थ्व जातिया परम्परागत धर्म प्रकृतिपुजा ख । थ्व धर्म आः वया लोप जुइ त्यंगु दु । थौं कन्हे थ्व जातिइ हिन्दू धर्मया प्रभाव अप्व खनेदु। थ्व जातिं उधौली-उभौली व मंसिर पुन्हि हनिगु नं चलन दु।