अक्षि (उपनिषद्)
अक्षि (उपनिषद्) बाय् अक्षि उपनिषद् ( संस्कृत : अक्षि उपनिषत् ) छगू संस्कृत ग्रन्थ ख व हिन्दू धर्मया चिधंगु उपनिषदय् छगू ख। थ्व काव्य मुक्तिक उपनिषद्या अन्तर्गतय् उपनिषद् दुने ला [१]। थ्व श्रुति प्रचलनया छगू महत्त्वपूर्ण धार्मिक ग्रन्थ ख। थ्व कृष्ण यजुर्वेद नाप स्वानाच्वंगु दु व २१ समन्या (सामान्य) उपनिषदय् छगू ख। थ्व ग्रन्थ निगु खण्डय् संरचना यानातःगु दु, व सूर्य देवता (सूर्द्य)या प्रवचनया रुपय् दयाच्वंगु दु।
थ्व उपनिषद् थःगु अद्वैत वेदान्त विषयवस्तुया निंतिं नांजाः। ग्रन्थया प्रथम खण्डय् चक्षुष्मती विद्या न्ह्यब्वयातःगु दु। निगूगु खण्डय् आत्मान व ब्रह्मया अद्वैत, योग, जीवन व स्वतन्त्रताया निष्पक्ष दृष्टिकोणय् थ्यंकेत ७ पलाः, व ॐ मन्त्रया खँल्हानातःगु दु।
विषयवस्तु
सम्पादनअक्षी उपनिषद् निगु खण्डय् ब्वथलातःगु दु। प्रथम खण्ड गद्य ख धाःसा द्वितीय खण्डय् ४८ श्लोक दु।
चक्षुष्मती विद्या
सम्पादनथ्व उपनिषदया न्हापांगु खण्ड ऋषि संकृतिं सूर्द्य प्रति श्रद्धा अभिव्यक्तिया नापं न्ह्याइ। थन वय्कलं सांख्य दर्शनया स्वंगु गुण सत्व (सात्विक), रज (रजस) व तमसयात नमन यानादिल। अले प्राचीन बृहदारण्यकया छगू श्लोकयात दुथ्याका तःगु दु:
असतो मा सद्गमय |
असत्यपाखें झीत सत्यपाखे यंकादिसँ। |
| —Akshi Upanishad khanda 1,[२][३] Brihadaranyaka Upanishad 1.3.28[४][५] |
सूर्य धइगु सत्य क्यनीम्ह, अज्ञानयात च्याकीम्ह, शुद्ध याइम्ह खः, व हे हंस (आत्मा)या मूर्त रुप खः धकाः थ्व उपनिषद्ं दावी याःगु दु। द्वलंद्व जःयुक्त सूर्य सलंसः दिशाय् विकिरण जुइ व सकल जीवयात जीवनदायी ऊर्जा बी धकाः पाठय् न्ह्यथनातःगु दु।
ब्रह्मविद्या
सम्पादनथ्व उपनिषदया निगूगु खण्ड ऋषि संकृतिं ब्रह्म-विद्या (अर्थात ब्रह्मया ज्ञान)या निंतिं सूर्ययाके फ्वनाः न्ह्याइ। थ्व धुंका ग्रन्थय् सूर्द्यया लिसःया रुपय् मुक्तिया मार्गया कथं कनातःगु दु। नापं, थ्व ग्रन्थय् योगया दुने दूगु न्याबः श्रेणीया वर्णन यानातःगु दु।
लिधंसा
सम्पादन- ↑ http://sanskritdocuments.org/all_sa/upanishad_list_sa.html
- ↑ Ayyangar 1941, pp. 1-2.
- ↑ Hattangadi 2000, p. 1.
- ↑ Ancient vedic prayer World Prayers Society (2012)
- ↑ (2009) "An Indian metaphor in St John's Gospel". Journal of the Royal Asiatic Society 9 (2): 271–86. DOI:10.1017/S1356186300011056.
स्वयादिसँ
सम्पादनलिधंसा
सम्पादन
| |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|