पोर्चुगिज भाय्
पोर्चुगिज भाय् (português , língua portuguesa) युरोपया आइबेरियन प्रायद्वीपं उत्पत्ति जूगु हिन्द-युरोपेली भाषा परिवारया छगू पश्चिमी रोमान्स भाषा ख। थ्व भाय् अंगोला , ब्राजिल , केप भर्दे , गिनी-बिसाउ , मोजाम्बिक , पोर्चुगल व साओ टोमे व प्रिन्सिपीया सरकारी भाय् ख व पूर्वी टिमोर, इक्वेटोरियल गिनी व मकाउय् सह-सरकारी भाय् ख। पोर्चुगिज भाषी मनु वा राष्ट्रयात लुसोफोन (lusófono)या नामं म्हसीकिगु या। उपनिवेशकालीन ईले विस्तारया लिच्वः कथं हलिमय् पोर्चुगिज भाषीतेगु बहुसांस्कृतिक उपस्थिति खनेदत। पोर्चुगिज आइबेरो-रोमान्स पुचःया छगू भाग ख। थ्व भाय् मध्यकालीन साम्राज्य ग्यालिसिया व काउन्टी अफ पोर्चुगलय् भल्गर ल्याटिनया थीथी भाषिकां विकास जुल। थ्व भासय् छुं केल्टिक सः दुथ्याःगु दु।
| पोर्चुगिज भाय् | |
|---|---|
| português | |
| उच्चारण | [puɾtu'geʃ] (European), [poɾtu'ges] (Brazilian) |
| मू भाषी जनसंख्या | ब्राजिल, पोर्चुगल, एङ्गोला, मोजाम्बिक, मेमेगु CPLP देय् |
Native speakers | 220 Million people (date missing) |
| Latin alphabet (Portuguese variant) | |
| आधिकारिक अवस्था | |
आधिकारिक मान्यता | Angola, Brazil, Cape Verde, East Timor, European Union, Guinea Bissau, Chinese S.A.R. of Macau, Mozambique, Portugal, São Tomé and Príncipe |
| भाषा नियमन संस्था | International Portuguese Language Institute; CPLP |
| भाषा कोड | |
| ISO 639-1 | pt |
| ISO 639-2 | por |
| ISO 639-3 | por |
थ्यंमथ्यं २६ कोटी मातृभाषी व ३ कोटी ५० लखः निगूगु भाषा भाषी दुगु पोर्चुगिज भाय्या थ्यंमथ्यं ३० कोटी कुल भाषी दु। थ्व भाय् सामान्यतया प्यंगुगु-दकलय् अप्व ल्हाइगु मांभाय् ख व मांभाषीया ल्याखं हलिमय् स्वंगुगु दकलय् अप्व ल्हाइगु युरोपेली भाय् व हलिमय् निगुगु दकलय् अप्व ल्हाइगु रोमान्स भाय् ख। दक्षिण अमेरिकाय् दकलय् अप्व ल्हाइगु भाय् व दक्षिणी गोलार्धय् दकलय् अप्व ल्हाइगु भाय् निसें थ्व भाय् स्पेनिश भाय् धुंका ल्यातिन अमेरिकाय् निगूगु दकलय् अप्व ल्हाइगु भाय् नं ख। नापं, अफ्रिकाय् दकलय् अप्व ल्हाइगु १०गु भाय् मध्ये छगू व युरोपेली संघया छगू आधिकारिक भाय् निसें मर्कोसुल (Mercosul) , अमेरिकी राज्यया संगठन, पश्चिम अफ्रिकी राज्यया आर्थिक समुदाय, अफ्रिकी संघ आदि अन्तर्राष्ट्रिय संगठनया छगू भाय् नं ख। सन् १९९७य् छगू व्यापक प्राज्ञिक अध्ययनं पोर्चुगिज भाय्यात हलिमया १०गु दकलय् प्रभावशाली भाय् मध्ये छगू कथं तःगु दु।
स्वयादिसँ
सम्पादन
